Passagem - Google Docs

Passagem - Google Docs

عالباب - في بيت سمير

أميرة- مرحبا سمير. كيفك اليوم؟

سمير- نشكر الله، اليوم أنا أحسن كثير. تفضّلي فوتي. مين معك؟

أميرة- هاي رفيقتي ليلى! نحن رايحين عالسوق و أنا قلتلها تعي معي شوي لَنشوف سمير، لإنو من زمان ما بشوفو.

سمير- أهلا و سهلا ليلى، تشرفنا. تفضلوا اشربوا قهوة معي!

أميرة- ليلى! بتقدري تضلّي شوي؟

ليلى- إي، معليش! أنا ما عندي شيء اليوم.

بالصالون

أميرة- هلق حكيلي! شو صار معك؟ أنا إجيت عبيتك بس ما كان في حدا بالبيت. وين كنتوا؟

سمير- مبارح أنا رحت عالدكتور، وهو طلب فحص دم جديد، و قال لي إنو لازم ضل يومين كمان بلا ما روح عالشغل، و لازم آخُذ الدواء الجمعة كلها، بس هلق عم حس إني صرت أحسن، هلق بقدر آكل و إشرب كل شيء. استنوني شوي! بدي أعمل لكم قهوة.

أميرة- أنا بعرف إنك بتعمل القهوة طيبة، نحن بدنا نروح معك عالمطبخ لنشوف كيف بتعمل القهوة.

بالمطبخ

سمير- قولولي! شو بدكن تعملوا بالسوق؟

أميرة- ليلى اشترت مبارح بنطلون و كان طويل شوي، هي بدا أقصر منو. هلق بدنا نروح نبدّلو.

ليلى- وكمان بدي شوف إذا بلاقي شي هدية حلوة و رخيصة لإشتريها، لإنو بكرة عيد ميلاد أخي بشار.

سمير- بشار أكبر أو أصغر منك؟

ليلى- هو أصغر مني.